هر آشکے تا بشکُنی
نام ءُ تُوار ءِ بلبل ءَ
یادی کپیت هَوشبؤیی
ءُ هَوشرنگے وشّیں گل ءَ
واجه علی شاه ءُ سر ءِ
مردان ءِ هر کِرّ ءُ کَنار
هرجاہ گردِن هُشکِنیں
شَہ آ هداوند ءِ تُوار
واجه علی آ بلبلیں
الله هما وَشّین گلیں
کِرّ ءِ هدا بَہ کار ءُ بار
نامِ علی هن بی تُوار
واجه علی سردار ءِ هلک
نامی بہ بیت سر هر زُبان
آیی کہ نانی بُرت شپان
بَہ کودکان ءُ چورگان
هر موکہ ءُ شپان تِهار
رپتہ دپ ءِ بان ءُ دوار
بهر ءِ هدا ءُ هکّ ءُ هَلک
کُرتیں وتی جان ءَ مَیار
واجه علی بکشِندَئیں
چِہ بے مَسال بندهئین
ما پِش آیی تا کِیام
سِیَه روئیں ءُ شَرمِندَئین
آیی کِ انگشتل وتَ
داتئی بَہ چؤر ءَ سرنُماز
شپ تا سباهان دم بہَ دم
هور ربّ وت کرتئی نیاز
آیی کِہ وپتَہ جاه نبی
تا کہ نبیَ هچّی مبی
