اؤنجه بیر دمیرچی دن باشلانیر
اوره ییمین چیرپینتیلاری
یارانمامیش نت لارلا
ناخیش وورور قالخان لارا
گلمه دییین یوللاری
دؤیوشچولره قاتیلماغیم گلیر
سن هله آدسیز بیر کیمسه سن
و من یول گؤتورورم قوزئی ساواشلارینا
یاشلی کیشی لرله
زامان اؤتر
بورکو هاوالاردا
بیر قالخان چاتار الینه
گلرسن گلمه دییین یوللاری
عسگرسیز سرحدلره بنزه ییرم
تاپشیریلمامیش دیشاریا
اوز توتارسان منه
قوزئی ماهنی لاری اوخویارسان
آیری دوشموش دمیرچی لره.
