ویوزی بن که نشم آوی صدا گوش آکرم
آرسم آسمونی چه ربنا گوش آکرم
موچ و میکیه واته مَس جنگلی خنده خنده نَه
دخنییه آوی کو بِرون برا گوش آکرم
دَخون آخون دَرییه بلبله کیجه چه مونه
چِه سَسی جیگیر کرهْ ناز گلَه تا گوش آکرم
ویر آبه بندی بنی را رمه پارسنگلِه نَه
ویساداری چپوری نشتیمه دا گوش آکرم
ویرومه خر ویبه ام دومَنی کَش کو به دَرَه
دلکَه تول و تلاتین بَه هَوا گوش آکرم
هادی شاندرمینی مَخمَله سَسی یا کو مَسم
گله هف بنده له له مندره ها گوش آکرم
چمه جانی کو نشه چه خندخون، آروم آبوم
چه مونه تالشی خوندشه خدا گوش آکرم
