دَنالَیمَه له لان کو پیر آبَیمه، چه دفرسی؟
ته کو نِه، زندگی کو، سیر آبیمه، چه دفرسی
من آخر آورویی بلبلون را پس نییشته
غزل وام دستونی سَر چیر آبَیمه چه دَفَرسی
کلاکی نَه بسِه ویشته و یپرزن آسمونی
ده ام آفتاوی کو دلگیر آبیمه چه دفرسی
نزونم کنته کو آخر چَکَیمه کم سری کو 
تییَه تییَه ویبَیمه ویرآبَیمه چه دفرسی
نشون به ام نشون روشنه بره ی دیمر دوئه من
سیا طاله/طالع سیا تقدیر  آبیمه چه دفرسی
گنا منه سیا شالون تکی را دا ابد از
سیا روزون مینه زنجیر آبیمه چه دفرسی
منَه وشتن نِئآ چوئه گِشَه ایمَه من مَبَرکَه
از ام تشتَه صدا را دیر آبیمه چه دفرسی 
روکیما ناجه داریم سر پِرونجیم آسمونی 
کلَه دازون خونَه سر جیر آبیمه چه دَفَرسی
بی اشته نشتیمه فومیمه سیمه تاک ْ تنخا
غمه پردَه ایمه بی واگیر آبیمه چه دفرسی