باریكە رێیەو... باوەشی شەو ماچە دەكا
ماچێكی ئاوەدان
ـ ئاوەدانی پێشكەشی ئاوڕدانەوەت
(خاڵۆ رێبوار) ... برینی پەنجەی دەلێسێتەوە
پەنجەیەكی وێران
(وێرانی لە پەنجەی تۆ ناوەشێتەوە)
ـ تۆ كوێخای ئەم وێرانییەی
دەڕۆی... دەڕۆی...
دەرۆی و
لە خۆت دوور دەبییەوە
دوور دەبییەوە لەخۆت
شەو بەشی بێدەنگی تۆی نەدەكرد
{روو ڕەشن ئەو شەوانەی
دڵیان بۆ دڵتەنگی تۆ لێ نادا
ماچێكی وێران
لەپەنجەكانت دەتكێتە خوار
ـ ئاوەدانی پەنجەت
بەسینگی شەو هەڵواسراوە
ئەو باریكە رێیە... بەكوێستانی مەمكەكانتەوە دەنووسێنم
ـ ئاوڕ دانەوەت پێشێلی رۆیشتنت
شەوانە هەستێكی غەریب ـ بەسرتە ـ دەمدوێنێ
(بەسەر ئەو پردەی دا مەڕۆ
ئاڵووداری رزیوە)
