...
بیر سویوق داخمادیر
صوبحه کیمی تیترهمیشم، اسمیشم
بارماقلاریم بیر بیر یانیب
زوققولداییب یانیب
اوتوراراق، دوراراق دونموشام
قورخولاریم بؤیویور
کوچهدن کوچهیه، مئیداندان مئیدانا بؤیویور
هریاندا بیر سویوق داخما اکیلیب دئییرسن
یوخ، بو بیزیم سئودیییمیز خیاواندیر
نهقدر ده کیچیک اولسا
بیزه اوجسوز بوجاقسیز
قول قولا وئریریک
آددیملاییریق
داخمانین سیزاغی جانیمدا قالیب
هله ده گاه اؤز اؤزونه
اسیرم
