نه اوغورلو چاغ دی، بو چاغ!
«یاز»ین،
ایلکیندن بو یاناسینی،
سوره کلی، آنیمساماقسیزین
یاپراق لارین ییخیلماسییلا قویلانیرام
بوینو پیچاقلانمیش لارین
بوغاز لاری نین قانییلا
یورقانیمین ایسلانماسینا باخمایاراق،
چئوره مده چاپدیریلان آت لارین تپیک لری نین تیرینگه لرییله
دویونجا یوخلایاجاغام
بیر داها دورمامامی دیله ین،
قاپ-قارا قایا!
هوووووی!
مزاریمین اوستونده دیزلرینه جن قان پالچیغینا قویلانان
بو سن می سن، یوزون دوغویا دؤنوک؟!
نه دن یایا گلدین؟
قابورقالاریم ازیلدی!
