ایلک دوراق قیرمیزی دیر
یئل قووان لاری ایتیرمک یئر
قیرمیزی یئل قووان لاری
صاباح اولورسا
گونده لیک آددیم لاریم قیرمیزیا چالاجاق
سانکی نار سویو سپیپ لر دالیمجا
قیرمیزی چاشدیریر منی
چکیلیر آنلام لاریمین اوستونه
هوندور هوندور قویولار دیکلدیر اوچماغیما
ایچیمده یالنیز قالان اوشاقدیر قیرمیزی
بالیق لارینی آختاریر تاپمادان
دؤیور دؤیونور منده
فیرلانیرام اؤز باشیما
قیرمیزی هاواسیلا
قیرمیزی ایتیرمک دیر
ایلک دوراق دا یئل قووان لاری ایتیرمک کیمی
