ماریا
حالیمی سوروشما گیله‌سی
یالانی یوخ
بیرآز کئفسیزم، بیرآز دا کئفلی
باغیشلا منی قاداسی
دون گئجه اوشویوردوم
شکیل‌لرینی یاندیریب...
ال‌لریم قیزیشدی بیر آز
شعر یازدیم سنه
سن دئمه آلزایمر گؤزل درد ایمیش 
سئودییین انسان‌لارین گیزلی اونودولماسی
سس‌لرینین قولاق‌لاردان سیلینمه‌سی
و بیر عؤمور کیمسه‌سیز
سس‌سیز یاشاماق...
ماریا!
وئر ساچ‌لاریندان کندیر هؤرسون آل آروادی 
بوغ بو شاعری تئلین‌له
کس نفسینی، کس بو سسینی
آت جمده‌یینی  قوجا پیشیک‌لره
یئ قورتار بالیق دوداق‌لارین‌لا 
کؤهنه-کلاسیک سئوگیمیزی
و یاشاسین من‌سیزسیز
سن‌سیز ساچ هؤروک کندیرین
یاشاسین ارین‌له سئویشدییین آن‌لار
منی اونوتدوغون لحظه یاشاسین
من سندن یوخ، غوربتدن یوخ
دونیادان چوخ
یئددی میلیارد انساندان بئزمیشم!