گرمسیرم، دیرتم، ا‌یخوم بیاهم سرحدت
چی رزی، هی پیت ایارم تا بپیتم ور کدت
چی مه ور دین افتو،روز و شو پی دونتم
شونِ نُرفین ایکنم ار که بخاهه وم ندت
پیر وامنده لو رویم که او بردامِ برد
نیترم کاری کنم هر چه که ایگون یا جدت
تش زنم دنیانه ار خاری بره پات و دلس_
_چی دلم با ،هر کسی من فرگسم ایخو بدت
شرط ابندم ایگرم تهرونِ ار دهسم بدن
تیخِ تیز بُرگ چی شُمشیر سردار اسعدت
دی ز ای ناونده بِهدَر ،کس نونده گَردَنِس
هر کری من سینه داره نشخی از دست ردت
