...حادیثه دن نئچه منزیل اوزاقدا
اللری جیب لرینده-
یوگوروردو اوسو پریشان!..
بیر تکجه گئتدییی یولو دویوردو
بیرده یالنیزلیغینی!!
گرگین ایدی- دیدرگین ایدی
یول اوزونو بیرباشا، دورمادان یوگوروردو-
یوگوروردو - دوروردو؛
دوروردو و گؤک اوزونه باخیب گولوردو.
حادیثه باش وئرمه دن،
باش آلیب یولا چیخدی...
او، یولا چیخدیغیندا، اؤلوم ائوینه گیردی!!
او، یولا چیخدیغیندا، اؤلوم ائوینی ییخدی...
حادیثه دن نئچه منزیل اوزاقدا
اللری جیب لرینده
یوگوروردو اوسو پریشان
یوگوروردو اؤزوندن
یوگوروردو اؤلومدن...
... اؤلومدن یوگوروردو...-
اؤلومه دوغرو!!!
