باهار یئتیشدیسه بوردا، کی قار یاغیر هله لیک
گونش بوغوزلاناراق دار- دووار یاغیر هله لیک
آغاجلار اوستونه کؤهنه بئیینلی لر یوگورور
هارینلی بالتا- ناجاقلار- موشار یاغیر هله لیک
سئویب-سئویلمه ییمیزدیرآخی بیزیم سوچوموز
اودور کی یارقیچیلاردان بادار یاغیر هله لیک
بیزیم شهر داریخیر، دارتینیر بیزیم خییاوان
ناوولچالار گؤزو شیر- شیر ناچار یاغیر هله لیک
بیزیم شهرده قبیرلر آغیز آچیب- دانیشیر
بئتونلار اوستونه گؤیدن مزار یاغیر هله لیک
اینانما سن بو سویون لامجا آخماسینا آهو!
ساقین!بو ساحیله تیمساحلی جار یاغیرهله لیک
هامار دئییل بو یول آنجاق گئدیملیدیر»مجنون»
یالین آیاقلارا یئردن قابار یاغیر هله لیک
* هارین:هار،خیره سر/سوچ:گناه/یارقیچی:قاضی/بادار:صدای بلند و مکرر/دارتینماق:تلاش برای رهایی از چیزی،تقلا/ناوولچا:ناودان/ساقین:حذر کن،دور باش/هامار:صاف،هموار/یالین:برهنه