هر اولاجاغین سونونا داغیلدین
حایاتین بویوک سورغولاری
گووده مه داغیلان کیمی
چوخ شی لری ایتیرمک اولار
چوخ سورغولاری
سنی ایتیره بیله رم می؟
اوخونمادیم بوکولموش کاغاذلار اوستونده
منی چاغداش دیلده اوخوما
هر آخشام چاغی
ساده جه
باتی یا اوچان سئرچه لرین دیلینده یم
و هر آخشام چیراغ سیز کوچه لرین
منی چاغداش دیلده اوخوما
منده چوخلاری وار
چوخلاری دانیشیر
چوخلاری سوسور
و تکجه من سورورام
سنی اوخویا بیله رم می؟
منده چوخلاری وار
منی چاغداش دیلینده اوخوما
من اللریمله دنیزم
گوزلریمله گوی
و بورادا گوودمده یئلکن سیز بیر گمی ایتیر
ـ چوخ شی لری ایتیرمک اولار ـ
حایات دان آلیرام اوزومو
آلیرام داریخمالاریمی
اللری بوشا چیخیر
منده چوخلاری وار
و هر آخشام بارماق لاریمدا
بیر قوجا کیشی
سیگارا اوتورور
