اِدنا نہ اِنت کسے کہ پَهمیت دلءِ زُبانءَ
پهرێزکاراں زُرتَگ، شیطانیءِ چمانءَ
اِدنا مَوالءُ مدهوش گوں سستگیں سواسءَ
دْراجیں رهے تچان اَنت گیش اِنت شہ مئے گُمانءَ
هُشک بوتہ هۆنءِ شهجو، مرکءَ را کرتہ کۆلنج
چو مرتگیں پریشتگے غرک اون وتی غمانءَ
گوں بےوسیءِ هالءَ ارواه منی نہبیت بند
وختے ادیبِ عشقءَ داتگ جَلا روانءَ
دستے کہ گُٹّوهہ کنت، دردان نہکنت درمان
ناهکّءَ دل مہبند ئے زْیانَ نہکنت غمانءَ
کس نێست دلءَ بہشۆدیت شہ غمکشیءَ بازیں
سۆچ لشکرءَ غمانی، کۆتاھیں زندمانءَ
کۆهیں جگر منی هۆن، شہ گلزمینءِ دردءَ
پَرمات دلءَ منءَ پہ آستپتگیں بیانءَ
شپ خالکءَ پہ وابءُ آرمودگیءَ جوڑێنت
مارا نہاِنت وابے گوں شئرءُ گالءُ تْرانءَ
