«گؤیده گؤی شاهید اولسون، یئرده یئر»
شاهید اولسون بو شئعررین یاراندیغی آنلارینا
نه «دومرول» دی، نه «باییندیرخان» 
و نه «دیرسه خان اوغلو بوغاج»
اووا چیخمیر، اوخ آتمیر، قان تؤکمور و ساواشماق ایسته میر
لوطفاً  دده قورقودو چاغیرین (ددم قورقودو چاغیرین آد قویسون بو شعره)
آد قویسون بو شئعره.
بو شئعر مدرن بیر  پست خانادیر
بورادان آغ بایراق لار گؤندریلیر
شاهنامه نین ساواش مئیدان لارینا
مئیدان لار دولماسین
بازارلار چیرپینماسین
هورموز تنگه‌سی باغلانماسین
عرب لر پول لارینا گوون‌مه سین
ساتلیق دئیل بو شئعر
قارغالار یاتاغی دیرـ‌اردبیل بایراغی
پبایراقلار اسمه سین
چانلار چالینماسین
فئستیوال لار دیش ایتیلدمه سین
ژوری هئییتینین اؤلچو سونه سیغماز 
ساولان باش آچیب
چالدران اوخشاییب
شئهیدگاه آغلاییر بو شئعرده!
اصلا بو شئعر
اؤزل بیر تابلو دی اوتاغیمین دوواریندا
یاد باخماسین
نامحرم گؤزون یومسون
سئوگیلیمین باشی آچیق دیر بو شئعرده...