...

له‌ سه‌رْ گیسْ تو چه‌ن ساڵه ‌ئه‌سیرم دڵه‌که‌م
له‌ دڵ ئه‌ی تاره‌شه‌وه ‌، یێی ده‌فه ‌گیرم دڵه‌که‌م
من کی ئمڕوو له ‌ته‌ڵه‌ی ئشقْ تو مامه ‌هه‌ر ئه‌وه‌م
ئه‌وه‌تم «رامْ تو ناوم، وه‌کْ شیرم» دڵه‌که‌م
له‌ من ئه‌و زاته ‌نه‌مایه ‌وه ‌چه‌وت چه‌و بووڕم
کی له ‌برژانگْ تو قوربانیْ تیرم، دڵه‌که‌م
تو له‌ من پرس ئه‌که‌ی ئه‌وژی  «له ‌فه‌راقت چۊنم؟»
ئه‌نشم لێیره ‌له ‌یێی گووشه ‌ئه‌گیرم دڵه‌که‌م
تا له ‌سه‌ر من بڕْیا هه‌ورْ دڵت، باوه‌ڕکه‌
چۆڵْ چۆڵم، وه‌کْ قومساڵ و که‌ویرم دڵه‌که‌م
تو وه ‌من مه‌وژه ‌بچوو بی من ئه‌رای خۆت سه‌رکه‌
من دویای ئشقْ تو لێیدانه ‌چه‌ دیرم دڵه‌که‌م؟
شێتْ ئشقْ تو چنه‌و بیمه ‌کی هه‌ر رووژ ده‌ره‌چت
وه‌خودا سه‌د وه‌کْ مه‌جنوون له ‌خه‌ویرم دڵه‌که‌م
حازرم هیچ نه‌منیه‌ت له‌ وجوودم ، ئه‌گه‌ دیت
ئشقْ تو ده‌رچویه‌ یێی له‌حزه ‌له ‌بیرم دڵه‌که‌م