باز تُرنا تو و دَهسِ مو که پِنجاس چَکِست
باز دیری تو و إیچو که کُری پاس چَکِست
باز هم رهده بهار و ، مَوِده داس و دِرَو
باز هم زونیِ گندم که وَرِ داس چَکِست
جورِ چیرو که یه رو حَرس زِ جونِس إیدرا
جورِ زرده که کَدِس سی دلِ ریواس چَکِست...
پُلُفِستُم زِ غمِ عشقِ تو و فَهـمِستُم
کَمرِ هر که تونه جوره مو إیخواس چَکِست
غیرِزا سی کَد و بالا تو چونو شعر گُدُم
سوگُلی بعدِ تو مِن شعرِمو احساس چَکِست
حرف زیدن ز تو مَر ظُلمِ گِرونه که چونو
زونِ شاعر پسِ زیدنِ حرفاس چَکِست
