پایز لەم بەر هەیوانەدا
تەمایە گیانم بکێشێ
ئەرێ باوان؟
کامە بایە بۆنی پرچ ناگوێزێتەوە؟
کامە هەورە دوا دڵۆپی لە ئامێز ناگرێتەوە؟
کامە دارە دوا بەرەی ناڕوێتەوە؟
کەمە رێیە دوا رێبواری
هەرگیز
ناگەڕێتەوە؟
من ئەو بایەم
ئاڵۆزی پرچ و مێخەکەم
هیچ بارانێ نامشواتەوە
من ئەو هەورەم
دوا دڵۆپم
باران نایگرێتەوە
من ئەو دارەم
کە ئەمرم و
لەگەڵ چرۆی دوا بەرەما ئەڕوێمەوە
من ئەو پاییزە رێگەیەم
هەر خۆم خۆم ئەپێوم و
خۆیشم بە خۆما ئەچمەوە
ئەرێ باوان
منی پاییز
تەمامە گیانم بکێشم...
لەم بەر هەیوانەدا
کە دوا وێسگەی تەقالامە
هور ئەمگرێ...
شەرتە بیکەمە بارانێ!
