تۆ،پەنجەرەکان بەتەمای بەستنەوەیان بهسەردیوارەکاندا جێ ناهێڵی
جیهان دوورترە لەوەی بڕوای گهێشتن بتگرێتەوە
تۆ تەسبێح دادەخەی،من خەیاڵێکی ههڵواسراو بە پەتەوە
تۆ نایبینی ئەم ڕووبارە تاکوو دەڕوا ههرخۆی دەشۆرێتەوە..!
ئەم ئازارە ههتاکوو شێعرە،ههرخۆی دهنووسێتەوە
دڵنیام تۆ لەوان نیت،
کە لە شەڕاشۆکانی ئەم شێعرە دەرباز بووی
سینگت بۆ ئەم خەیاڵە دابنە
پەپوولە بەتهمای دزیی درزێک لە ڕووناکی هاتە ئەم تاریکستانە
زمانی لەکاتی گیاندان پەڵت بوو
سینگت بۆ ئەم شێعرە دابنە
بڕوات بەپێکهنیهکانی شەرمنی ئەم شارە ببێت
بڕوات بە بووکە بارانی منداڵییەکانی ئەم شەقامە ببێ
لە مێژەوە نەخووساوین
لە مێژەوە،قاقای پەنجەرەیهکی بەستراوین
دڵنیام تۆ لەوان نیت،
خۆنچیلەی وردی شێعرەکانم..
بێزوو بەتامی خۆڵ دەکەم
کاتیک منداڵێک بەدەم گریانەوە بەتەقەی چهکێک ژیردەبێتەوە
دڵنیام تۆ لەوان نیت..
