ئەگەر سێبەرەکان لێم گەڕێن
پێمخۆشە خۆم بم
ئەو خۆمەی کە بڕیارە
لە کۆتاییدا لە گەڵ ئەودا
ماڵاوایی بکەم.
ئەم پیاوە سێبەروانە
کە دەمامکی لە ڕووخساری خۆی داوە و
لە تاریکیدا دەدوێ
چەنێ من من دەکا
ئەگەر بێتوو
دەنک دەنک سێبەرەکانی لەبەردا داکەنم
دەمامکی لە ڕووخساردا لابەرم
با دەیبا.
بەڵام سێبەرەکان هەمیشە هەن
تەنانەت کاتێ من باسی خۆم دەکەم
سێبەرەکان سێبەریان لەسەرم خستووە
کەچی من پێم خۆشە ڕووت بم
کاتێ مناڵەکان بەرد بۆ شێتەکان دەخەن
ئەی شێتێتی پەتی من!
من ڕۆژێ تۆ
لە درێژەی ڕێگەکانی ئێرەدا دەدۆزمەوە
کاتێک تک تک خوێنت لێ دەتکێ و
دیسانیش هەر پێدەکەنی.
