شاعر بشکێ و 
دڵی درزێکی‌ زۆر درێژ
بە دەم بزەی شەقامەوە 
هەراسان لێو...
شاعر‌ بشکێ‌ و 
دڵی ماندوو
کە ئەو بشکێ
نە ئێواره پێدەکەنێ 
نە جادە گۆرانی ئەڵێ 
 نە پاییز سەما هەڵدەکات 
 نە باران عەشق ئەپرمێنێ و 
نە هەناریش بزەی سووری دەتکێتە دەم
شاعر ئەگەر بشکێ
 بڕژێ 
بتکێ 
بم...
رێ و ئیتر زمانم لاڵڵڵڵڵڵڵ...
نە شۆفێرە تاکسیەکان هاوار دەکەن
چایی بە دەم ناگات و 
جگەرە خۆی ئەپڕووکێنێ و
 پێڵاوەکان سیوایان دێت و
نووزه لە قوڕگی موبایێلەکەم دەبڕێ و
هیچ سیگناڵێ لە دڵەوە سین نابێت
شاعر 
ئەگەر بێت و بشکێ
چکێ لە من 
چکێ لە تۆ
لەتێ لە ژین لەگۆ ئەچێ و 
دڵمان ئەڕچێ...!